ඉන්දීය ශ්‍රේෂ්ඨාධිකරණය මෝදිගේ පක්ෂ අරමුදල් යෝජනා ක්‍රමය නවත්වයි
නරේන්ද්‍ර මෝදි රජය විසින් 2017 වසරේ දී දේශපාලන පක්ෂ සඳහා හඳුන්වා දුන් මතභේදාත්මක අරමුදල් යාන්ත්‍රණයක් වූ මැතිවරණ බැඳුම්කර යෝජනා ක්‍රමය අවලංගු කිරීමට ඉන්දියාවේ ශ්‍රේෂ්ඨාධිකරණය පියවර ගෙන තිබේ.
මැතිවරණ බැඳුම්කර යෝජනා ක්‍රමය මගින් දේශපාලන පක්ෂවලට නිර්නාමික පුද්ගලයන්ගෙන් ආධාර ලබා ගැනීමට අවස්ථාව සලසා තිබුණි. කෙසේ අගවිනිසුරු ඩී.වයි ප්‍රමුඛ පංච පුද්ගල විනිසුරු මඩුල්ල තීන්දු කොට ඇත්තේ මෙම යෝජනා ක්‍රමය “ව්‍යවස්ථා විරෝධී”බවයි.
ශ්‍රේෂ්ඨාධිකරණයේ මෙම තීන්දුව බ්‍රහස්පතින්දා තීන්දුව පාලක භාරතීය ජනතා පක්ෂයට (BJP) විශාල පහරක් බව ඉන්දීය දේශපාලන විචාරකයන් පෙන්වා දී තිබේ. එම පක්ෂයේ අරමුදල්වලින් අඩකට වඩා ලැබෙමින් තිබුනේ මැතිවරණ බැඳුම්කර හරහාය.මේ නිසා භාරතීය ජනතා පක්ෂයට ඉන්දියාවේ ධනවත්ම පක්ෂය බවට පත්ව තිබේ.
දේශපාලන විචාරකයන් පෙන්වා දෙන ආකාරයට අගමාහි මෝඩි දේශපාලන දූෂණයට සක්‍රීයව දායක වන ප්‍රථම අවස්ථාව මෙම කුප්‍රකට මැතිවරණ බැඳුම්කර යෝජනා ක්‍රමය හඳුන්වා දීමයි. මහා ව්‍යාපාරිකයන් සමග මෝදි ආන්ඩුවට ඇති සම්බන්ධය නොනවත්වාම ප්‍රශ්න කරමින් සිටින කොංග්‍රස් පක්ෂ නායක රාහුල් ගාන්ධිට මෙම තීන්දුව දේශපාලන වශයෙන් වාසියක් අත්කර දී තිබේ.කෙසේ වෙතත් , තීන්දුවෙන් දිනක් ඇතුළත, කොංග්‍රස් පක්ෂයේ බැංකු ගිණුම් අත්හිටුවා ඇති බව අනාවරණ විය. පක්ෂයේ භාණ්ඩාගාරික අජේ මාකන් පැවසුවේ ආදායම් බදු දෙපාර්තමේන්තුව විසින් කොංග්‍රසයේ සහ තරුණ කොංග්‍රසයේ ගිණුම් අත්හිටුවා ඇති බවයි.ඔහු මෙම ක්‍රියාව අර්ථ දැක්වූයේ “ප්රජාතන්ත්රවාදය අත්හිටුවීමක් ,” ලෙසය.
“බීජේපීය විසින් ව්‍යවස්ථා විරෝධී ලෙස එකතු කරන ලද මුදල් ඔවුන් විසින් මැතිවරණ සඳහා භාවිතා කරනු ඇත. නමුත් අපි සමූහ අරමුදල් සැපයීම හරහා එකතු කරන මුදල් මුද්‍රා තබනු ලැබේ!” කොංග්‍රස් සභාපති මල්ලිකාර්ජුන් ඛාගේ පැවසීය. නවතම වාර්තාවල දැක්වෙන්නේ එම පක්ෂයේ මුද්‍රා තැබූ ගිණුම් වෙත ප්‍රවේශ වීමට අතුරු සහනයක් ලබා දී තිබෙන බවය.
ශ්‍රේෂ්ඨාධිකරණයේ තීන්දුව පැමිණ ඇත්තේ ඉන්දියාවේ මහ මැතිවරණයේ ඡන්දය ප්‍රකාශ කිරීමට මාස කිහිපයකට පෙරය. එය ඉදිරි මැතිවරණයට බලපාන්නේද යන්න සහ කෙසේද යන්න ඉදිරියේදී දැකගත හැකිය.
මැතිවරණ බැඳුම්කර යෝජනා ක්‍රමය ඉවත් කිරීමට අමතරව, 2019 අප්‍රේල් මාසයේ සිට සියලුම පරිත්‍යාගශීලීන්ගේ නම් සති තුනක් ඇතුළත හෙළි කරන ලෙස ද ශ්‍රේෂ්ඨාධිකරනය විසින් මෙම යෝජනා ක්‍රමයේ නම් කරන ලද බැංකුව වන රජයට අනුබද්ධ ඉන්දීය රාජ්‍ය බැංකුවට (SBI) නියෝග කර ඇත.
ද ඩිප්ලෝමැට් සඟරාවේ මීට පෙර ලිපියක, මැතිවරණ බැඳුම්කර යෝජනා ක්‍රමය නීතියෙන් නරක බවත් එය යා යුතු බවත් මම අවධාරණය කළෙමි. එය “විනිවිදභාවය” ගෙන එන “ප්‍රධාන මැතිවරණ ප්‍රතිසංස්කරණයක්” ලෙස ප්‍රශංසා කිරීමේ ආන්ඩුවේ ප්‍රකාශයන්ට පටහැනිව සහ දේශපාලන අරමුදල් සඳහා වන මුදල් පරිත්‍යාග වෙනුවට, මෙම යෝජනා ක්‍රමය ඇත්ත වශයෙන්ම රහසිගතව වැසී ඇත.
2017 දී මෙම ක්‍රමය හඳුන්වා දීමෙන් පසු, මෙම වසරේ ජනවාරි 2 වන දින දක්වා 30 වරක් මැතිවරණ බැඳුම්කර විකිණීම සිදු කර ඇත. සාමාන්‍යයෙන් බැඳුම්කර නිකුත් කිරීම සිදු වන්නේ අවුරුද්දේ නිශ්චිත කාලවලදී, බොහෝ විට ප්‍රාන්ත එක්රැස්වීම් සහ පාර්ලිමේන්තුවට මැතිවරණ පැවැත්වීමට පෙරය.
මැතිවරණ බැඳුම්කර පොරොන්දු නෝට්ටු වැනිය. ඒවා SBI හි තෝරාගත් ශාඛා මගින් නිකුත් කරන ලද අතර, පුද්ගලයන්ට හෝ ආයතනික සංවිධානවලට මිලදී ගත හැකිය. මෙම බැඳුම්කර ලැබුණු දේශපාලන පක්ෂවලට පසුව නියමිත කාල සීමාව තුළ බැංකු ගිණුමක් හරහා ඒවා මුදල් කළ හැකිය. වැදගත්ම කාරණය වන්නේ , බැඳුම්කරයේ පරිත්‍යාගශීලියාගේ නම සහ විස්තර හෙළි නොකිරීමයි.
